#FREEABUSAKHA
Pallasos en Rebeldía súmase á campaña internacional # FREEABUSAKHA, que ten como obxectivo denunciar publicamente a retención e illamento ilegais e arbitrarios por parte de Israel de Mohammed Abu Sakha, profesor palestino da Palestinian Circus School e colaborador de Festiclown Palestina, primeiro festival de circo do mundo árabe que lidera Pallasos en Rebeldía.
Abu Sakha, de 24 anos de idade, foi detido o pasado 14 de decembro de 2015 baixo detención administrativa sen cargos contra el e foille denegado o dereito para defenderse así como a recibir visitas dos seus familiares. Abu Sakha é unha das case 600 persoas retidas por Israel baixo detención administrativa. De acordo con Amnistía Internacional, quen está apoiando o caso de Abu Sakha, Israel usou esta fórmula que viola os Dereitos Humanos durante anos como unha alternativa ao sistema de xustiza criminal. A campaña # FREEABUSAKHA está a ser secundada a nivel internacional por colectivos artísticos, Ong e defensores da xustiza a través de diferentes vías de colaboración como recollida de sinaturas para presentar #ante Israel, movementos en redes sociais ou manifestacións #ante embaixadas e consulados de Israel.
Asina a petición de liberación de Abu Sakha! https://goo.gl/3fk8bP
#RISASCONTRAMUROS
Pallasos en Rebeldía mantén a campaña de axuda ás refuxiadas # RisascontraMuros. Ata a data fixo entrega dun total de 5.500 euros a organizacións sociais alternativas que operan en campos de refuxiados; 1.000 euros a Help Refugees -ONG que traballa nos campamentos de Calais e Dunkerque, ao norte de Francia, e 4.500 euros a Refugees Care, que axuda aos refuxiados de Idomeni, na fronteira heleno- macedonia. “Mantemos aberta a campaña de doazóns para continuar recadando axuda destinada a cubrir as necesidades básicas dos migrantes, a quen non só a UE abandonou levantando #ante eles fronteiras senón que traficou con eles vendéndoos a Turquía, quen á súa vez non os quere e estaos devolvendo ás guerras das que escaparon arriscando as súas vidas”, explica Iván Prado, portavoz internacional de Pallasos en Rebeldía.
A campaña de axuda aos refuxiados foi iniciada o pasado 7 de marzo, día no que chegou a Primeira Caravana “Risas contra Muros” de Pallasos en Rebeldía ao campamento de Idomeni. Desde entón mantense habilitado o seguinte número de conta, ES13 2100 4333 1502 0005 4202, no que realizaron doazóns centos de particulares, organizacións como o Festival Esperanzah e os propios compoñentes de Pallasos en Rebeldía a título persoal. O diñeiro recadado irá destinado á Terceira Caravana que o colectivo está a organizar a outro campamento de refuxiados, aínda por determinar e prevista para finais de xuño. “Estamos a analizar a situación actual dos diferentes campamentos e facendo un seguimento das deportacións que se están levando a cabo para decidir onde podemos ser de máis axuda e seguir co noso labor de levar risas e esperanza aos refuxiados. Á súa vez seguiremos coas nosas performances de denuncia das fronteiras e da vulneración do dereito internacional ao asilo e protección de todo refuxiados”, informa Prado.
Manifesto pola Libertad de Movemento. Ler
Idomeni. Carta dun nómada cirqueiro de todos os tempos. Ler
TABARK HADDI #JusticiaparaHaidalla
Pallasos en Rebeldía apoia a loita de Takbar Haddi, a muller saharauí que mantivo folgas de fame como protesta tras a agresión sufrida polo seu fillo, Mohamed Lamíne Haidalla, que posteriormente lle provocou a morte. A nai reclama que se faga xustiza polo caso e que lle sexan entregados os seus restos mortais para poder enterralo. O colectivo internacional de artistas realizou diversas accións para dar voz a Haddi e reclamar # JusticiaparaHaidalla.
Con esta campaña en activo Pallasos en Rebeldía quere facer súa a demanda de Xustiza para Haidalla que, tras ser agredido no Aiún o pasado 31 de xaneiro de 2015 por colonos marroquís, faleceu oito días despois por mor das feridas sufridas. Takbar Haddi decidiu iniciar a súa folga de fame o pasado 15 de maio de 2015 para denunciar que o seu fillo non recibiu a atención que necesitaba e que as autoridades de Marrocos pecharon o caso en falso ao atribuír a morte a unha liorta. A muller rexeitou recoller os restos mortais do seu fillo nas condicións que quería impoñer o réxime marroquí por non considerar fiable a autopsia realizada. Ademais, denuncia a situación de vulneración de dereitos fundamentais que exerce Marrocos sobre o Sahara Occidental desde hai máis de 40 anos.
.