Iván Prado ofrece o vindeiro domingo, 4 de maio, un obradoiro de clown destinado a recadar fondos para enviar a Gaza, organizado por O Condado con Palestina. O curso, Pallaseando a existencia, ofrecerase en Ponteareas, no Centro Artístico Sportivo da Rúa Vidales Tomé ao longo de todo o día (de 09:00h a 17:00h).

O recoñecido pallaso e fundador de Pallasos En Rebeldía, Iván Prado, brindará aos/ás asistentes diversas ferramentas coas que xogar e teatralizar “o pallaso que todas/os levamos dentro”. Entre as actividades do obradoiro, contaranse  xogos de complicidade e sensibilidade, dinámicas para familiarizarse co “pracer de permitirse ser ridículo/a” e exercizos nos que o teatro interactúa como representación ou “espello da vida”, entre outras cousas.

O prezo do obradoiro é de 50 euros, que se destinarán a Gaza de maneira íntegra.